蘋果新機iPhone 6s及iPhone 6s Plus今日正式在本港公開發售，但由於今次內地同步發售，外間一直估計今次炒家難發圍，甚至擔心炒燶。結果今早一開售，炒價果然令人失望，開賣首一小時，還有幸運兒以6s Plus炒到2千至3千元利潤，但炒價一直急跌，而玫瑰金以外的灰、銀、金版本，最多只能獲幾十元利潤，甚至部分手機店已停收！
今早在「收機聖地」先達廣場外情況混亂，有手機店負責人表明，現時只有玫瑰金版本有利可圖，但差額相當「海鮮」，由幾百到千幾元不等，其他顏色最多只能賺幾十元，甚至有店舖以低於原價收購，各炒家可謂「偷雞唔成蝕渣米」，店員解釋，今次炒價急跌，最主要原因是貨量多，以及內地同步發售，他指內地的炒價每十分鐘下跌一次，故香港亦難以倖免。
更有店舖透露，今次只會收大約30部機，跟以往「見貨就收」再慢慢散貨完全不同，不建議大家繼續訂貨炒賣。
手持玫瑰金的炒家都是盡快出貨為妙，但若果手持灰、銀、金蟹貨的朋友，據新機單據背後的購買條款中，指出收到產品後的十四日內，只要憑收據及原來包裝，產品沒有損毀，可進行退款，不過蘋果會為退還的商品徵收退貨費，未拆封的費用為原價15%，而拆封後則為25%， 退款會轉賬至銀行戶口，需時10日；但比較起來，寧可以原價放售較為划算。
